4. Ek ontdek my nuwe wêreld

Van die eerste dag af byt ek........veral tone!  Almal het baie gou na my aankoms begin tekkies aantrek.  Maar dis maar net hoe ek my wêreld ontdek.  Ek het Oupa Roelf se groottoon ook lekker bygekom terwyl hulle geëet het......hy het sommer so AAAAAAAAAAAH geskreeu.

Kyk net daai skerp tandjies van my.  Almal is bang vir hulle!

Dis darem 'n groot bak by die kraan.  Moet ek nou hier water drink of wat ......?

.....en hier is my maatjie Roxy.  My ma het haar al vir my gekoop nog voor sy my kom haal het.  

Roxy was my beste maatjie.  Sy het nooit gekla as ek haar gebyt het nie.
En hier slaap ek op Corne se bed in die son.....moeg  gespeel!

3. Die storie agter my storie

My mamma wou my al baie lank hê!  Sy het jare gelede 'n foto van 'n Bull Terrier in die Sarie gesien en toe net besluit:  dis die hond wat sy wil hê.  En toe het sy begin kerm en kerm sy wil 'n hondjie hê.  Pa het gedink sy is mal:  wat wil sy nou met 'n dom varkhond maak? Dis vicious honde en hy soek nie so 'n hond nie!

  

En toe word sy 50.

En sy koop toe "sommer om te kyk" die Dog Directory by Woolies (nogal) en sien die advertensie van Bull Terriers daarin.  Maar ..... dit bly toe maar net daarby ....... manlief het mos gesê hy soek nie 'n varkhond nie!

Maar Liezel het toe nou weer 'n plan in die kop en begin toe agter my mamma se rug te konkel. Sy het al die Bull Terrier telers gekontak, op soek na 'n witte met 'n patch op die een oog. 

En toe kry sy vir Bennie in die hande:  Today is your lucky day!   sê hy en woeps waps oortuig sy my pa om die deposito te betaal.  Maar teen die 16 de Augustus was ek eers 4 weke oud en kon ek nog nie die nes verlaat nie. So kon ek toe nie my mamma op haar verjaarsdag verras nie!

My mamma sou nog 2 weke moes wag voor sy my kon kom haal op 27 Augustus.

maar alles was gereed vir my aankoms:  my bedjie, my bakkies, 'n wit babakombersie en my eerste maatjie - Roxy.

  

2. Ek sê koebaai

In Bennie se huis is daar baie medaljes en bekers wat hy al op shows gewen het.  Hy sê hy wil met my skou.  Maar gelukkig wil my mamma en pappa nie met my skou nie.  Ek hou nie van skou nie.  Al die mense wat so na jou kyk ...en jy moet reg staan en reg loop.... en 'n vreemde oom en tannie vat sommer aan jou.  Ek sal hulle sommer byt.  Gelukkig sal my ma kyk dat niemand vreemds aan my vat nie!  Ag nee wat, hulle sê ek is net hulle companion - hulle wil nie met my skou nie (sug - is bly daaroor!!!)  Bennie sê hy sal my kom haal en afrig - my pa sê:  dit sal die blêrrie dag wees - nie in 'n miljoen jaar nie!

Hier is my mamma - ek lyk baie soos sy né?  Haar naam is Shodan Shana.  Ek gaan bietjie na haar verlang ....ek dink.  Maar my nuwe mamma is al klaar so lief vir my.  Ek dink sy gaan my lelik bederf!

Hier is my ander boeta en sussa.  Ons is die enigste wittes.  Ons was altesaam 5.  Die ander was tan.  My hart is baie seer oor hulle.  Maar ek het gehoor pappa vra vir mamma waar ek vanaand gaan slaap, toe sê sy "ag maar tussen ons op ons bed".  Dit gaan lekker wees! 

1. Die dag toe my mamma en pappa my kom haal het

My nuwe Mamma het my kom haal!!!!! My pa het R4000 vir my betaal (hy het nog nooit so baie geld vir 'n hond betaal nie).En hy weet dit nog nie, maar die bullieboek se:  die aankoop van jou bullie is maar die eerste uitgawe van baie!!!  Sy is gereed vir my - het  die Bullie manual 3 keer deurgelees, gehighlight wat belangrik is en gemerk (hehehehehe.....she ain't know nothing yet!)

Hier hou my Mamma my die eerste keer vas!  Is ek tog nie te fraai vir woorde nie!
En sy het ietsie lekkers saamgebring om te eet ...... die pad na die hart gaan mos deur die maag!
Hier is Bennie.....ek gaan na hom verlang.......tot nou toe was hy nie enigste mens wat ek geken het.  En hy het so mooi na my en my boetas en sussas gekyk.  Tot 3 uur in die nag opgestaan om vir ons melkies te gee.  En  vir ons lekker Eukenuba gegee met bietjie maalvleisies op.  
Ek dink ek gaan baie na hom verlang.....maar my nuwe Pappa lyk na 'n gawe man en ek dink hy gaan baie lief wees vir my!
27 Augustus 2008

Vanderbijlpark:  Bennie van Niekerk